غزہ جنگ کے بعد "عالمی سطح پر” تنہا ہوگئے، اسرائیلی وزیر اعظم نے اعتراف کرلیا

غزہ لاکھوں مسلمانوں کا خون بہانے والے اسرائیلی وزیر اعظم نیتن یاہو نے غزہ پر حملے کے دو سال بعد اس بات کا اعتراف کیا ہے کہ اسرائیل "عالمی سطح” پر تنہائی کا شکار ہے اس صورت حال سے بچ نکلنے کا کوئی راستہ نہیں جو حالات ہیں وہی فیصلہ کریں گے۔

صیہونی ریاست کے وزیر اعظم نیتن یاہو نے وزیر خزانہ کے ساتھ پریس کانفرنس میں کہا اسرائیل کی معیشت ڈوبنے کے قریب ہے، عالمی سطح پر بائیکاٹ، کاروبار میں شراکت نہ ہونا، درآمدات اور برآمدات نہ ہونے کے برابر آگئیں ملکی پیدوار کو بھی شدید دھکچا مسلسل لگ رہا ہے۔

مقبوضہ بیت المقدس میں جاری پریس کانفرنس میں ان کا کہنا تھا کہ ہماری معیشت کو مسلم ممالک کے اتحاد سے شدید نقصان پہنچا، ڈیجٹیل ٹرانسفورمیشن اور مسلم ممالک کی جانب سے چلائی جانے والی تحریکیں اور قطر کی جانب سے تیل کی فراہمی روکنے سے اسرائیلی معیشت کا بھٹہ بیٹھ گیا۔

اسرائیلی وزیر اعظم کا کہنا تھا بیرون ممالک نے ہمیں اسلحہ فروخت کرنے میں کم اور کسی نے انکار کردیاہے ایسی صورت حال میں سارا دباؤ ملکی اسلحہ ساز اداروں پر پڑا۔ انھوں نے کہا کہ ہمیں خود اسلحہ تیار کرنا پڑے گا یا پھر اسلحہ ساز ملکوں کے سامنے گھٹنے ٹیکنے پڑیں گے۔

اسرائیل کو اس وقت اسلحے کی ضرورت ہے مگر اس مقدار میں اسے مل نہیں رہا۔ اسرائیل پر اقوام متحدہ سمیت کئی اہم عالمی اداروں کی جانب سے غزہ میں ظلم وبربریت کا کھیل روکنے کے لیے شدید دباؤ ہے۔ اسرائیل پر نسل کشی، بھوک سے نہتے افراد پر بم برسانے جیسے جنگی جرائم کا سامنا ہے۔

اسرائیل اس وقت محدود یا مکمل پیمانے پر فرانس، نیدر لینڈ، برطانیہ، اسپین، اٹلی سمیت اسلحہ خرید رہاہے بھاری اسلحے کی خریداری کی ادائیگی پر ملکی خزانے کا پیسا پانی کی طرح بہایا جارہاہے، اسرائیل کی جانب سے اہل غزہ پر استعمال ہونے والا زیادہ تر اسلحہ اور گولا بارود امریکی ساختہ ہے جس پر عالمی اداروں اور برداری بار بار پابندی کا مطالبہ کررہی ہے۔

حال ہی میں ٹرمپ انتظامیہ نے اسرائیل کو دو ہزار پاؤنڈ وزنی بموں کی فراہمی دوبارہ بحال کردی ان بموں کی فراہمی سابق صدر بائیڈن نے روک رکھی تھی