غزہ میں فضائی حملوں اور زمینی کارروائی میں مزید 110 فلسطینی شہید

اسرائیلی فوج نے غزہ سٹی میں بڑے پیمانے پر زمینی آپریشن شروع کردیا۔

رپورٹ کے مطابق اسرائیل کی جانب سے غزہ میں فضائی حملے اور زمینی کارروائیاں کی گئیں جس میں مزید 110 فلسطینی شہید ہوگئے ہیں۔

رپورٹ میں بتایا گیا کہ اسرائیلی فائرنگ اور بمباری سے غزہ سٹی میں 91 افراد شہید جبکہ درجنوں افراد لاپتہ ہیں، اسرائیلی فوج نے غزہ میں مزید 17 بلند و بالا عمارتیں بمباری کرکے تباہ کردیں۔

غزہ سٹی میں وحشیانہ بمباری کے بعد ہزاروں افراد نقل مکانی پر مجبور ہیں۔

دوسری جانب غزہ میں بھوک اور غذائی قلت سے بھی مزید 3 افراد دم توڑ گئے۔

اسرائیلی فوج کے مغربی کنارے میں بھی چھاپے، 40 فلسطینی نامعلوم مقام پر منتقل ہوگئے۔