پاکستان اور فلسطین کے درمیان صحت کے شعبے میں اہم معاہدہ طے پاگیا

اسلام آباد: پاکستان اور فلسطین کے درمیان صحت کے شعبے میں تعاون کو فروغ دینے کا معاہدہ طے پاگیا۔

تفصیلات کے مطابق وزارت قومی صحت اور وزارت صحت فلسطین کے حکام نے مفاہمت کی یاد داشت پر دستخط کیے جبکہ وفاقی وزیر مصطفی کمال اور فلسطین کے سفیر ڈاکٹر ظہیر ایم ایچ زید بھی تقریب میں موجود تھے۔

وزیر صحت مصطفی کمال نے فلسطینی عوام کے ساتھ پاکستان کی مستقل یکجہتی کا اعادہ کرتے ہوئے فلسطینیوں کے خلاف جاری اسرائیلی مظالم کی شدید مذمت کی۔

فلسطین کے سفیر نے فلسطینیوں سے اظہاریکجہتی پر پاکستانی حکومت اورعوام کا شکریہ اداکیا۔