امریکا کا ایران سے متعلق نئی پابندیوں کا اعلان

امریکا کی جانب سے ایران سے متعلق نئی پابندیوں کا اعلان کردیا گیا۔

امریکی محکمہ خزانہ کی جانب سے جاری پریس ریلیز میں ایران سے متعلقہ کئی شخصیات اور کمپنیوں پر پابندیاں لگانے کا اعلان کیا گیا۔

پابندیوں میں ایرانی فوج کو مالی معاونت فراہم کرنے والے ادارے، ہانگ کانگ اور متحدہ عرب امارات میں موجود کچھ عناصر شامل ہیں۔

ان پر الزام ہے کہ انہوں نے ایرانی تیل کی فروخت سے حاصل ہونے والی 10 کروڑ ڈالر مالیت کی کرپٹو کرنسی کی منتقلی میں تعاون کیا جو ایران کی حکومت اور فوج کے فائدے کے لیے استعمال کی گئی۔

امریکی پابندیوں میں شامل افراد اور اداروں سے امریکی شہری اور کمپنیاں تجارتی معاملات نہیں کرسکیں گی۔