کویت جانے کے خواہشمندوں کیلئے بڑی خبر آگئی

بحرین کے بادشاہ شاہ حمد بن عیسیٰ آل خلیفہ نے حال ہی میں کویتی شہریت سے محروم کیے گئے بحرینی شہریوں کے لیے اہم اقدام کرتے ہوئے ان کے پاسپورٹس کی تجدید اور نئے سفری دستاویزات جاری کرنے کا حکم دے دیا۔

بحرینی میڈیا رپورٹس کے مطابق جن شہریوں کو حالیہ دنوں میں کویت نے شہریت سے محروم کیا تھا، انہیں بحرینی حکومت کی جانب سے فوری طور پر نئے پاسپورٹس جاری کیے گئے ہیں تاکہ ان کی نقل و حرکت میں کسی قسم کی رکاوٹ نہ آئے۔

 بحرین نیوز ایجنسی کے مطابق اس اقدام کا بنیادی مقصد متاثرہ افراد کے بنیادی انسانی حقوق، بالخصوص شناخت اور آزادانہ نقل و حمل کے حق کو یقینی بنانا ہے۔

شاہی ہدایات کے بعد بحرینی حکام نے تمام متعلقہ شہریوں کے پاسپورٹس کی فوری تجدید کا عمل مکمل کرلیا ہے، تاکہ وہ بغیر کسی مشکل کے سفر جاری رکھ سکیں۔

واضح رہے کہ کویت میں رواں سال کے آغاز میں ایک بڑے فیصلے کے تحت ہزاروں افراد کی شہریت منسوخ کر دی گئی تھی، جن میں خواتین سمیت مجموعی طور پر 4,141 افراد شامل تھے۔

بین الاقوامی خبر رساں اداروں کے مطابق اس فیصلے کی منظوری کویتی کابینہ نے دی تھی، جس کے بعد وزارت داخلہ نے شہریت ختم کرنے کا حکم نامہ جاری کیا۔ تاہم کویتی حکام کا کہنا تھا کہ شہریت سے محروم افراد کو ماضی کی تمام مراعات بدستور حاصل رہیں گی۔