ہم نے برطانیہ سے بہترین ڈیل کی جو پہلے کبھی نہیں ہوئی، ٹرمپ کا اعتراف

لندن: امریکی صدر ڈونلڈ ٹرمپ نے اعتراف کیا ہے کہ برطانیہ کے ساتھ ہم نے بہترین ڈیل کی جو پہلے کبھی نہیں ہوئی۔

امریکی صدر ٹرمپ اور برطانوی وزیراعظم کیئراسٹارمر نے مشترکہ نیوز کانفرنس میں کہا کہ برطانیہ کے ساتھ تجارتی ڈیل ہماری اہم کامیابی ہے۔امریکی صدر ڈونلڈ ٹرمپ نے کہا کہ ہم نے برطانیہ کے ساتھ ٹیرف کم کیا ہے، امریکا اور برطانیہ تجارتی شعبوں میں ملکر کام کریں گے۔

امریکا اور برطانیہ نے تجارتی معاہدے پر دستخط کر دیے، معاہدے پر امریکی صدرٹرمپ اور برطانوی وزیراعظم نے دستخط کیے۔

دوسری جانب برطانوی وزیر اعظم نے کہا کہ امریکا ہمارا سب سے بڑاتجارتی شراکت دار ہے، امریکی صدرڈونلڈ ٹرمپ کے دورہ برطانیہ کا خیرمقدم کرتے ہیں۔

برطانوی وزیراعظم نے کہا کہ امریکا اور برطانیہ تجارتی شعبوں میں ملکر کام کریں گے، امریکا ہمارا سب سے بڑاتجارتی شراکت دار ہے۔ امریکا اور برطانیہ میں تجارتی حجم250ارب ڈالرز تک پہنچ گیا ہے، امریکا اور برطانیہ کے تعلقات پہلے سے زیادہ مضبوط ہیں، ہم امن کیلئے متحد ہیں، ہمیشہ ساتھ ہیں اور رہیں گے۔

برطانوی وزیراعظم کا کہنا تھا کہ غزہ میں جنگ ختم ہونی چاہیے، یرغمالیوں کو رہا کیا جاناچاہیے، یوکرین میں جاری لڑائی کا خاتمہ چاہتے ہیں، یوکرین میں روزانہ لوگ روسی حملوں میں مارے جارہے ہیں۔

امریکی صدر کا کہنا تھا کہ برطانوی وزیراعظم کی تاریخی مہمان نوازی پر انکے شکر گزار ہیں، برطانیہ کے ساتھ ہم نے بہترین ڈیل کی جو پہلے کبھی نہیں ہوئی۔

ڈونلڈ ٹرمپ نے کہا کہ برطانوی وزیراعظم بہت اچھی ڈیلنگ کرتے ہیں، میں نے 7جنگیں رکوائیں جس میں سے کچھ شدید تھیں، برطانیہ اور امریکا اہم اتحادی ہیں۔