افغانوں نے اپنی سرزمین پر کبھی غیرملکی فوج کو کبھی قبول نہیں کیا، افغان حکام

امریکا کے صدر ڈونلڈ ٹرمپ کے افغانستان کے بگرام ائیربیس کو واپس لینا چاہتے ہیں افغان وزارت خارجہ کے سیکنڈ پولیٹیکل ڈائریکٹر نے اب ردعمل کا اظہار کردیا ہے۔

امریکی صدر ڈونلڈ ٹرمپ نے گزشتہ روز لندن میں میڈیا سے گفتگو میں کہا تھاکہ ہم نے طالبان کو بگرام ایئر بیس مفت میں دی لیکن اب ہم اسے واپس لینے کی کوش کررہے ہیں، یہ شاید ایک بریکنگ نیوز ہو لیکن ہم اس ائیر بیس کو واپس لینے کی کوشش کررہے ہیں۔

انھوں نے مزید کہا کہ ہم اس لیے بھی یہ بیس حاصل کرنا چاہتے ہیں کیونکہ یہ اس مقام سے صرف ایک گھنٹے کے فاصلے پر ہے جہاں چین اپنے جوہری ہتھیار تیار کرتا ہے۔

اس حوالے سے افغان حکومت نے باضابطہ کوئی ردعمل نہیں دیا تاہم افغان وزارت خارجہ کے سیکنڈ پولیٹیکل ڈائریکٹر ذاکر جلالی نے ٹوئٹ میں ردعمل کا اظہار کیا ہے۔

انھوں نے لکھاکہ ڈونلڈ ٹرمپ نے بگرام ڈیل پر بات کی ہے، وہ ایک کامیاب تاجر اور مذاکرات کار ہیں اور انھوں نے معاہدے کے ذریعے بگرام ائیربیس واپس لینے کا ذکر کیا۔

انھوں کا کہنا تھاکہ افغانستان اور امریکا کو ایک دوسرے کے ساتھ بات چیت کرنے کی ضرورت ہے، امریکا کے افغانستان میں فوجی موجودگی کے بغیر بھی باہمی احترام اور مشترکہ مفادات پر مبنی اقتصادی اور سیاسی تعلقات قائم ہو سکتے ہیں۔

ان کا کہنا تھاکہ افغانوں نے تاریخ میں اپنی سرزمین پر غیرملکی فوج کی موجودگی کو کبھی قبول نہیں کیا، دوحہ مذاکرات اور معاہدے کے دوران اس امکان کو یکسر مسترد کر دیا تھا۔