ورک ویزا پر امریکا جانے کے خواہشمند افراد کیلئے بری خبر آگئی
WebDesk
20 ستمبر, 2025 12:45
Bad News for Those Aspiring to Go to the U.S. on a Work Visa
امریکی صدر ڈونلڈ ٹرمپ نے امیگریشن پالیسی کو مزید سخت کرتے ہوئے ایچ ون بی ورکر ویزا کے لیے سالانہ فیس میں غیر معمولی اضافہ کر دیا ہے۔
غیر ملکی خبر رساں اداروں کے مطابق صدر ٹرمپ نے ایک نیا حکم نامہ جاری کیا ہے جس کے تحت ایچ ون بی ویزا کے لیے کمپنیوں کو اب سالانہ ایک لاکھ امریکی ڈالر فیس ادا کرنا ہوگی۔
صدر ٹرمپ کا کہنا ہے کہ مخصوص صورتوں میں کمپنیوں کو اس ویزا کے لیے بھاری رقم دینا پڑے گی، تاکہ امریکی ملازمتیں مقامی شہریوں کے لیے محفوظ رہیں۔ ان کا مؤقف ہے کہ اس اقدام سے غیر ملکی ورکرز پر انحصار کم ہوگا اور امریکی معیشت کو فائدہ پہنچے گا۔
ماہرین کا کہنا ہے کہ یہ نیا فیصلہ بالخصوص امریکی ٹیکنالوجی کمپنیوں کے لیے ایک بڑا جھٹکا ثابت ہوگا، جو بڑی تعداد میں بھارت، چین اور دیگر ممالک سے ٹیکنیکل ماہرین کو ایچ ون بی ویزا کے تحت ملازمتیں دیتی ہیں۔ ان کمپنیوں کے لیے اب غیر ملکی ماہرین کی بھرتی ایک مہنگا اور پیچیدہ عمل بن جائے گا۔
واضح رہے کہ اس سے قبل ایچ ون بی ویزا فائل کرنے کی فیس 215 امریکی ڈالر سے شروع ہوکر مختلف مراحل میں چند ہزار ڈالر تک جا سکتی تھی۔ تاہم، اب ایک لاکھ ڈالر سے زائد کی فیس مقرر کیے جانے کا فیصلہ کئی کمپنیوں اور ویزا امیدواروں کے لیے مشکلات پیدا کرے گا۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
