جعفر ایکسپریس حملے کاماسٹر مائنڈ افغانستان میں ہلاک
WebDesk
20 ستمبر, 2025 14:07
جعفر ایکسپریس حملے کاماسٹر مائنڈ افغانستان میں ہلاک
افغانستان کے صوبہ ہلمند میں 17 ستمبر 2025 کو بھارتی حمایت یافتہ دہشتگرد گل رحمان عرف استاد مرید پراسرار طور پر مارا گیا۔
ذرائع کا کہنا ہے کہ گل رحمان متعدد دہشتگرد حملوں کا ماسٹر مائنڈ تھا۔ ان حملوں میں جعفر ایکسپریس بم دھماکہ، کراچی میں چینی قونصلیٹ پر حملہ اور گوادر کے پی سی ہوٹل میں دہشتگردی شامل ہیں۔ اس کے علاوہ خضدار میں اسکول بس دھماکہ، کراچی کنفیوشس انسٹی ٹیوٹ خودکش حملہ، پاکستان اسٹاک ایکسچینج اور کوئٹہ ریلوے اسٹیشن پر حملے بھی اسی گروپ نے کیے تھے۔
دہشتگرد گل رحمان پر الزام تھا کہ وہ پاکستان کی سیکیورٹی فورسز، چینی شہریوں اور معصوم عوام پر حملوں میں براہ راست ملوث رہا۔ یہی وجہ ہے کہ اس کی ہلاکت کو ایک بڑی پیش رفت قرار دیا جا رہا ہے۔
امریکہ پہلے ہی فتنہ الہندوستان کی ذیلی تنظیم مجید بریگیڈ کو عالمی دہشتگرد تنظیم قرار دے چکا ہے۔ پاکستان اور چین مسلسل مطالبہ کر رہے ہیں کہ اس تنظیم کو اقوام متحدہ کی دہشتگرد فہرست میں شامل کیا جائے۔
ماہرین کے مطابق گل رحمان کی افغانستان میں ہلاکت اس بات کا ثبوت ہے کہ افغان سرزمین پاکستان میں دہشتگردی کے لیے استعمال کی جا رہی ہے۔ اس واقعے کے بعد ایک بار پھر سوال اٹھ رہا ہے کہ افغان حکومت اپنی زمین دہشتگرد گروپوں سے کب پاک کرے گی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
