فلسطین کے دو ریاستی حل کیلئے کانفرنس، سعودی وزیر خارجہ کا خطاب

سعودی وزیر خارجہ فیصل بن فرحان نے فلسطین کے دو ریاستی حل کے حوالے سے کانفرنس سے خطاب میں کہا ہے کہ دو ریاستی حل کانفرنس امن کے حصول کا تاریخی موقع ہے۔

انہوں نے کہا کہ دو ریاستی حل ہی امن کے حصول کا راستہ ہے اور فرانس کے فلسطینی ریاست کو تسلیم کرنے کے اقدام کا خیر مقدم کرتے ہیں۔

ان کا کہنا تھا کہ اسرائیل غزہ میں وحشیانہ جرائم جاری رکھے ہوئے ہے جبکہ مغربی کنارے اور مقبوضہ بیت المقدس میں بھی ظلم کررہا ہے۔

سعودی وزیر خارجہ نے مزید کہا کہ فلسطینی ریاست کو تسلیم کرنا انصاف کے حصول کے عزم کی عکاسی ہے۔