فلسطینی ریاست کا قیام کوئی خیرات نہیں بلکہ حق ہے، سیکرٹری جنرل اقوام متحدہ

اقوام متحدہ کے سیکریٹری جنرل انتونیو گوتریس نے کہا ہے کہ فلسطینی ریاست کا قیام کوئی خیرات نہیں بلکہ حق ہے۔

اقوام متحدہ کے سیکریٹری جنرل انتونیو گوتریس نے فلسطین کے دو ریاستی حل کے حوالے سے کانفرنس سے خطاب میں کہا کہ دو ریاستی حل کیلئے عالمی کوششوں کو سراہتے ہیں۔

انہوں نے کہا کہ غزہ کی صورتحال انتہائی خوفناک ہے اور دو ریاستی حل کا حصول خطے میں ڈراؤنے خواب سے نکلنے کا راستہ ہے۔

ان کا کہنا تھا کہ غزہ میں فوری جنگ بندی اور امداد کی فراہمی یقینی بنائی جائے، فلسطینی ریاست کا قیام کوئی خیرات نہیں بلکہ حق ہے۔

انتونیو گوتریس نے زور دیا کہ دو ریاستی حل کے بغیر خطے میں امن ممکن نہیں اور دو ریاستی حل میں رکاوٹ ڈالنے والوں کو جواب دینا چاہیے کہ متبادل کیا ہے؟

سیکریٹری جنرل نے مزید کہا کہ دو ریاستی حل کے بغیر انتہا پسندی پھیلے گی۔