امریکی صدر ڈونلڈ ٹرمپ نے روس کو "کاغذی شیر” قرار دے دیا

امریکی صدر ڈونلڈ ٹرمپ نے یوکرین جنگ سے متعلق سوشل میڈیا پر بیان دیتے ہوئے روس کو کاغذی شیر قرار دے دیا۔

رپورٹ کے مطابق ڈونلڈ ٹرمپ نے اپنے جاری کردہ ایک بیان میں کہا کہ یوکرین یورپی یونین اور نیٹو کی مالی مدد سے اپنی زمین واپس لے سکتا ہے اور روس تین سال سے جاری جنگ ختم کرنے میں ناکام رہا ہے۔

انہوں نے کہا کہ اس وقت روس کی معیشت شدید مشکلات کا شکار ہے۔

دوسری جانب نیویارک میں میڈیا سے گفتگو کرتے ہوئے یوکرینی صدر وولودیمیر زیلنسکی نے کہا کہ ٹرمپ کا کہنا ہے کہ پیوٹن یوکرین جنگ کو ختم ہونے کا انتظار نہیں کریں گے اور وہ یورپ کی کمزور جگہیں تلاش کرنے کی کوشش کریں گے۔

صدر زیلنسکی نے مزید کہا کہ وہ سمجھتے ہیں کہ ٹرمپ جنگ کے بعد سیکیورٹی ضمانتیں دینے کے لیے تیار ہیں۔