غزہ جنگ کے خاتمے اور یرغمالیوں کی رہائی کے حوالے سے ایک ڈیل کے قریب پہنچ گئے ہیں، ٹرمپ

واشنگٹن: امریکی صدر ڈونلڈ ٹرمپ نے کہا ہے کہ غزہ جنگ کے خاتمے اور یرغمالیوں کی رہائی کے حوالے سے ایک ڈیل کے قریب پہنچ گئے ہیں۔

امریکی صدر ڈونلڈ ٹرمپ نے صحافیوں سے گفتگو میں دعویٰ کیا کہ غزہ میں جنگ بندی اور یرغمالیوں کی رہائی کے لیے معاہدہ جلد طے پا سکتا ہے، وہ غزہ جنگ کے خاتمے اور یرغمالیوں کی رہائی کے حوالے سے ایک ڈیل کے قریب پہنچ گئے ہیں۔

یہ بیان ان کی اسرائیلی وزیراعظم نیتن یاہو سے ممکنہ ملاقات سے قبل سامنے آیا۔

انہوں نے کہا کہ ان کے پاس غزہ سے متعلق ایک معاہدہ ہے جو نہ صرف یرغمالیوں کی واپسی کو ممکن بنائے گا بلکہ جنگ کا خاتمہ بھی کرے گا۔ تاہم انہوں نے اس ڈیل کی مزید تفصیلات فراہم نہیں کیں۔

ٹرمپ کا کہنا تھا کہ انہوں نے مشرق وسطیٰ کے تمام اہم رہنماؤں کے ساتھ غزہ کے حوالے سے مثبت گفتگو کی ہے۔