سعودی عرب جانے والوں کیلئے بڑی خوشخبری؛ اہم فیصلہ ہوگیا

سعودی عرب کے مرکزی بینک نے مملکت میں آنے والے وزیٹرز کو بینک اکاؤنٹ کھولنے کی اجازت دے دی ہے۔

 مرکزی بینک کی جانب سے جاری کردہ نئے قوانین کے تحت، اب وزیٹرز اپنی وزیٹر آئی ڈی استعمال کرتے ہوئے سعودی بینکوں میں اکاؤنٹ کھول سکیں گے۔

وزارت داخلہ کی جانب سے جاری کردہ وزیٹر آئی ڈی مملکت میں آنے والے افراد کے لیے ایک سرکاری شناختی دستاویز کے طور پر تسلیم کی جاتی ہے اور اس کی تصدیق مجاز ڈیجیٹل پلیٹ فارم کے ذریعے ممکن ہے۔

 اس اقدام کا مقصد مملکت میں قیام کے دوران مہمانوں کے لیے بینکنگ خدمات کو آسان اور مؤثر بنانا ہے تاکہ ان کے تجربے میں بہتری آئے۔

مرکزی بینک نے واضح کیا ہے کہ بینک اکاؤنٹ کھولنے کے قواعد و ضوابط کی یہ تازہ کاری ریگولیٹری پیش رفت کا حصہ ہے، جو وقتاً فوقتاً جائزہ لی جاتی ہے تاکہ بینکنگ نظام میں آسانیاں اور شفافیت کو بڑھایا جا سکے۔