اوپیک کے پیداوار بڑھانے کے اعلان پر خام تیل کے نرخ میں کمی

تیل کی عالمی منڈی میں اوپیک کی جانب سے پیداوار میں اضافے کے اعلان کے بعد خام تیل کے نرخ نیچے آگئے۔

تفصیلات کے مطابق امریکی خام تیل کی فی بیرل قیمت ایک ڈالر کمی کے بعد 62 ڈالر 37 سینٹ پر آگئی جبکہ برطانوی برینٹ کی فی بیرل قیمت 95 سینٹ کمی کے ساتھ 67 ڈالر ریکارڈ کی گئی۔

اوپیک نے عالمی منڈی میں استحکام کے لیے خام تیل کی پیداوار میں 4 لاکھ بیرل یومیہ اضافے کا اعلان کیا ہے، جس کے اثرات فوری طور پر قیمتوں میں کمی کی صورت میں سامنے آئے ہیں۔

معاشی ماہرین کے مطابق پیداوار بڑھنے سے آنے والے دنوں میں بھی عالمی منڈی میں خام تیل کے نرخ مزید کمی کا شکار ہوسکتے ہیں۔