وزیراعظم کی صمود فلوٹیلا پر اسرائیلی حملے کی شدید مذمت

اسلام آباد: وزیراعظم شہباز شریف نے صمود فلوٹیلا پر اسرائیلی افواج کے بزدلانہ حملے کی شدید مذمت کی ہے۔

وزیراعظم شہباز شریف نے اپنے جاری کردہ ایک بیان میں کہا کہ ان جہازوں میں 44 ممالک کے 450 امدادی کارکن موجود ہیں اور ہم ان تمام افراد کے تحفظ کے لیے دعاگو ہیں جنہیں اسرائیل نے غیر قانونی حراست میں لیا ہے۔

انہوں نے مطالبہ کیا کہ ان تمام افراد کو فوری طور پر رہا کیا جائے۔

شہباز شریف نے کہا کہ ان کا جرم صرف یہ ہے کہ وہ فلسطینیوں کے لیے امداد لے کر جا رہے تھے، یہ بربریت بند ہونی چاہیے اور امن کو موقع دینا چاہیے۔

دوسری جانب ترکیہ نے بھی گلوبل صمود فلوٹیلا کو روکنے کی مذمت کرتے ہوئے اس اقدام کو دہشت گردی قرار دیا ہے۔