ایک اور غزہ فوٹیلا کا غزہ کی طرف سفر شروع ہوگیا

غزہ کے مظلوم افراد کے حق میں آواز اٹھانے والے جاگ گئے اسرائیل کی غیر قانونی ناکہ بندی توڑنے کیلیے مزید 100کارکنان پر مشتمل ایک اور فلوٹیلا غزہ کی جانب چل پڑا۔

فریڈم فلوٹیلا کولیشن نے "ایکس” پر جاری بیان میں کہا کہ کشتیاں اٹلی سے تقریباً 100 کارکنوں کے ساتھ روانہ ہوئی ہے۔

کشتیوں پر مشتمل قافلے میں بہت سے ڈاکٹرز اور صحافی سوار ہیں، قافلے کو کشتیِ ضمیر (Conscience Boat) کا نام دیا گیا ہے۔

Today the #FreedomFlotilla Coalition set sail with almost 100 people aboard the ‘Conscience’ – many of them being healthcare workers or journalists. Our goal is to break Israel’s illegal siege & to provide international correspondents the chance to attempt direct reporting from… pic.twitter.com/ER6ALxXZD7

— Freedom Flotilla Coalition (@GazaFFlotilla) October 1, 2025

لائیو ٹریکنگ ڈیٹا کے مطابق نو کشتیاں فی الحال یونانی جزیرے کریٹ کے ساحل سے دور ہیں، بحری قافلہ غزہ کی طرف بڑھتا رہا تو اسرائیلی بحریہ انھیں روک لے گی۔

گزشتہ روز اسرائیلی بحریہ نے گلوبل صمود فلوٹیلا کی 42 کشتیوں کو غزہ کی جانب بڑھنے سے روکا اور اس پر سوار تقریباً 470 کارکنوں کو حراست میں لیا جن میں پاکستانی بھی شامل ہیں۔

گلوبل صمود فلوٹیلا کا مقصد غزہ کے فلسطینیوں کو خوراک، ادویات اور دیگر ضروری اشیاء پہنچانا تھا لیکن اسرائیل نے غزہ کے پانیوں میں قافلے پر دھاوا بول دیا۔