اسرائیل نے انخلا کی ابتدائی لائن پر رضامندی ظاہر کر دی ہے، امریکی صدر کا بڑا بیان

امریکی صدر ڈونلڈ ٹرمپ نے بڑا بیان دیتے ہوئے کہا ہے کہ اسرائیل نے بات چیت کے بعد انخلا کی ابتدائی لائن پر رضامندی ظاہر کر دی۔

سوشل میڈیا پلیٹ فارم ٹروتھ سوشل پر جاری میں کہا بات چیت کے بعد اسرائیل نے انخلا کی ابتدائی لائن پر رضامندی ظاہر کی، اس بارے میں حماس کو آگاہ کر دیا گیا ہے۔

ٹرمپ نے کہا کہ حماس کی تصدیق کے بعد جنگ بندی فوری طور پر موثر ہو جائے گی اور یرغمالیوں اور قیدیوں کا تبادلہ شروع ہو جائے گا۔

اس سے پہلے ٹرمپ نے حماس کو وارننگ دیتے ہوئے کہا تھا کہ حماس تیزی دکھائے ورنہ تمام شرائط ختم ہوجائیں گی۔

واضح رہے کہ فلسطینی مزاحمتی تنظیم حماس نے امریکی صدر ڈونلڈ ٹرمپ کا 20 نکاتی غزہ امن منصوبہ بڑی حد تک قبول کرلیا ہے۔

البتہ حماس نے ٹرمپ منصوبے کے بعض نکات پر تحفظات کا اظہار کرتے ہوئے برطانیہ کے سابق وزیراعظم ٹونی بلیئر کا مجوزہ کردار مسترد کردیا۔

مصری میڈیا کے مطابق حماس اور اسرائیل کے درمیان قیدیوں کی رہائی پر مذاکرات آج سے شروع ہورہے ہیں۔