حماس کی جانب سے جنگ بندی مذاکرات میں اہم مطالبات کاخاکہ پیش

غزہ میں سیز فائر کے حوالے سے شرم الشیخ میں حماس، اسرائیل اور امریکی وفد کے درمیان مذاکرات جاری ہیں۔

ذرائع کے مطابق وفد رکاوٹوں کو دور کرنے اور معاہدے تک پہنچنے کی کوشش کررہاہے جب کہ حماس نے جنگ بندی مذاکرات میں اہم مطالبات کا خاکہ پیش کردیا ہے۔

رہ نما حماس کا کہنا ہے کہ ہم ایسا معاہدہ چاہتے ہیں جو غزہ میں ہمارے لوگوں کی امنگوں کے مطابق ہو۔

حماس رہ نما نے کہا ہے کہ قیدیوں کے تبادلے کا منصفانہ معاہدہ ہونا چاہیے اورفلسطینی ٹیکنوکریٹس کی زیر نگرانی تعمیر نو کے مکمل عمل کاآغاز ہونا چاہیے۔