غزہ میں کسی بھی وقت جنگ بندی کا اعلان ہوسکتا ہے، ترک وزیرخارجہ کا بڑا بیان

ترک وزیرِ خارجہ حاقان فدان نے امکان ظاہر کرتے ہوئے کہا ہے کہ اسرائیل اور حماس کے درمیان اتفاقِ رائے آج ہی ممکن ہوسکتاہے۔

ترک خبررساں ادارے کی خبر کے مطابق حاقان فدان نے اس بات کا امکان شامی ہم منصب کے ساتھ میڈیا سے گفتگو میں ظاہر کیا۔

ان کا مزید کہنا تھا کہ مصر میں جاری امن مذاکرات میں دونوں فریقوں نے فلسطینی قیدیوں اور اسرائیلی یرغمالیوں کی رہائی کے لیے غیر معمولی سنجیدگی اور عزم کا اظہار کیا ہے۔

انھوں نے مزید بتایا کہ امن مذاکرات میں قیدیوں کی رہائی، اسرائیلی افواج کے انخلا کی حدود اور شرائط، غزہ میں امداد کی فراہمی اور ممکنہ جنگ بندی کے اصول و ضوابط پر بات کی گئی ہے۔