اسرائیل میں نیتن یاہو حکومت کے خلاف عوام سڑکوں پر، یرغمالیوں کی رہائی کا مطالبہ شدت اختیار کر گیا

اسرائیل میں نیتن یاہو حکومت کے خلاف احتجاجی مظاہرے شدت اختیار کر گئے ہیں۔

دارالحکومت تل ابیب میں شہری بڑی تعداد میں ہاسٹیجز اسکوائر پر جمع ہوکر حکومت کے خلاف نعرے بلند کرتے رہے۔

مظاہرین نے ہاتھوں میں پلے کارڈز اٹھا رکھے تھے جن پر غزہ جنگ کے خاتمے اور یرغمالیوں کی فوری رہائی کے مطالبات درج تھے۔

احتجاج میں شریک مظاہرین کا کہنا تھا کہ حکومت نے دو سال گزرنے کے باوجود یرغمالیوں کی بازیابی اور جنگ کے خاتمے کے لیے کوئی مؤثر اقدام نہیں کیا۔

انہوں نے نیتن یاہو حکومت سے مطالبہ کیا کہ فوری طور پر امن کے قیام کے لیے عملی اقدامات کیے جائیں اور یرغمالیوں کی واپسی کو یقینی بنایا جائے۔