اسرائیل نے آج رہائی پانے والے فلسطینی شہری کے گھر پر دھاوا بول دیا

اسرائیلی فوج نے آج رہائی پانے والے فلسطینی شہری کے گھر پر دھاوا بول دیا اور اہل خانہ کو تببیہ کی کہ وہ جشن نہ منائیں۔

عرب نیوز کے مطابق دنیا بھر کی نظریں اسرائیل اور فلسطین پر ہونے کے باوجود اسرائیلی فوج اپنی جابرانہ حرکتوں سے باز نہ رہ سکی۔ اوفَر جیل کے باہر بھی شہریوں پر آنسو گیس اور ربڑ کی گولیاں برسائی گئیں۔ یہ فلسطینی اپنے قیدی رشتہ داروں کی رہائی کے منتظر تھے۔

الجزیرہ کے مطابق جنگ بندی معاہدے کے باوجود آج مغربی کنارے میں اسرائیلی کارروائیاں جاری رہیں اور اسرائیلی فوج فسلطینی قیدیوں کے گھروں اور رہائی کے منتظر افراد کو نشانہ بناتی رہی۔

دنیا بھر کی نظریں غزہ میں جاری رہائی کے عمل پر مرکوز ہیں اسرائیلی افواج نے مقبوضہ مغربی کنارے میں چھاپوں اور بربریت کا سلسلہ جاری رکھا ہوا ہے۔

دوسری جانب امریکی صدر ڈونلڈ ٹرمپ نے اسرائیلی پارلیمنٹ میں خصوصی خطاب میں کہا کہ آج مشرقی وسطیٰ میں سنہری دور کا آغاز ہو چکا ہے۔

امریکی صدر ڈونلڈ ٹرمپ نے خطاب میں کہا کہ آج مشرق وسطیٰ میں ایک تاریخی صبح طلوع ہوئی ہے، امریکا مشکل وقت میں اسرائیل کے ساتھ کھڑا رہا ہے۔

ڈونلڈ ٹرمپ نے کہا کہ اسرائیل کو جو فتح ملی وہ ہتھیاروں کے زور پر ملی، ہم نے شدید مشکلات کے باوجود اپنے قیدیوں کو رہا کروایا، مشرق وسطیٰ میں سنہری دور کا آغاز ہورہا ہے۔

امریکی صدر نے مزید کہا کہ غزہ امن معاہدے میں تمام ممالک نے بہترین کردار ادا کیا، یہ راستہ آسان نہیں تھا، تمام عرب اور مسلم ممالک نے بے انتہا مدد کی،غزہ کے لوگوں کی توجہ اب تعمیر نو پر ہونی چاہیے۔

امریکی صدر ڈونلڈ ٹرمپ کے خطاب کے دوران شور شرابہ ہوا جس کے بعد ٹرمپ کے خطاب کے دوران شور شرابہ کرنے والے کو ایوان سے باہر نکال دیا گیا۔

ٹرمپ کی تقریر کے دوران ایک رکن نے فلسطینیوں کے حق میں احتجاج کیا، احتجاج کرنے والا رکن ٹرمپ کی طرف بڑھا ہے۔