بھارت اپنے مفادات کے لیے افغان طالبان اور فتنہ الخوارج کو استعمال کرنے لگا

 بھارت اپنے مفاد کے لیے فتنہ الخوارج اور افغان طالبان کو استعمال کرنے لگا ہے۔

بھارتی میڈیا پاکستان مخالف افغان جارحیت کے حوالے سے پروپیگنڈا خبریں پیش کر رہا ہے، 15 اکتوبر کو پاکستانی ٹینک افغان طالبان کی جانب سے قبضے میں لینے کا جھوٹا پراپیگنڈا افغان ترجمان ذبیح اللہ نے کیا۔

ایکس اکاؤنٹ سے جھوٹے اور بے بنیاد بیان کو بھارتی ذرائع ابلاغ نے خوب اچھالا۔ فیکٹ چیک گروک نے اس جھوٹ سے پردہ اٹھایا کہ روسی ساختہ ٹینک دراصل افغان طالبان کے زیرِ استعمال ہے۔

ایکس اکاؤنٹ کے ذریعے ذبیح اللہ نے دوستی گیٹ کو تباہ کرنے کے حوالے سے بھی بیان جاری کیا، جسے بھارتی میڈیا نے پاکستانی سمت کا بنا کر خوب پراپیگنڈا کیا۔

افغان دوستی گیٹ کو افغانستان کی طرف سے افغان طالبان نے آئی ای ڈی لگا کر اڑایا۔ پاکستانی سمت میں موجود گیٹ اپنی اصلی حالت میں موجود ہے جسے کوئی نقصان نہیں پہنچا۔

بھارتی اور افغان میڈیا کی جانب سے کابل میں بم دھماکے کو بھی آئل ٹینکر پھٹنے سے منسوب کیا گیا، جبکہ کابل میں یہ دھماکہ پاک فوج کی جانب سے precision strikes کے نتیجے میں ہوا۔

بھارت کا گودی میڈیا اپنے مذموم عزائم کے لیے فیک اور اے آئی کے ذریعے جعلی ویڈیوز بنانے میں مصروف ہے، گودی میڈیا نے شمالی وزیرستان کے شہری عادل داوڑ کو بھی شہید پاکستانی فوجی قرار دیا۔

شہری عادل داوڑ نے ویڈیو پیغام میں خود تمام جھوٹے دعوؤں کو رد کیا۔

یہ چار بڑے جھوٹ اس بات کا ثبوت ہیں کہ فتنہ الخوارج اور افغان طالبان اب بھارت کے جھوٹے پروپیگنڈا دوڑ میں شامل ہو چکے ہیں۔

بھارتی حکومت اور میڈیا اس وقت افغان طالبان اور فتنہ الخوارج کا ترجمان بن چکا ہے، گودی میڈیا جھوٹی خبروں اور منظم پروپیگنڈا کے لیے حقائق کو مسخ کرنے کا تسلسل جاری رکھے ہوئے ہے۔

دوسری جانب پاکستان نے ہمیشہ بھارت کے پروپیگنڈا کا جواب شواہد اور ثبوتوں کے ساتھ دیا ہے، معرکۂ حق کے دوران بھی پاکستان نے بھارتی پروپیگنڈا کا مقابلہ عالمی سطح پر شواہد کے ساتھ کیا۔

پاکستان اس وقت بھی افغان جارحیت کے دوران شواہد کے ساتھ حقائق پیش کر رہا ہے، پاک فوج نے طالبان اور فتنہ الخوارج کے بھارت کے ساتھ مشترکہ مذموم عزائم خاک میں ملا دیے ہیں۔