اسرائیل کی سیز فائر معاہدے کی خلاف ورزیاں، درجنوں فلسطینی شہید؛ جنگ بندی دوبارہ بحال
WebDesk
20 اکتوبر, 2025 08:50
اسرائیل کی سیز فائر معاہدے کی خلاف ورزیاں، درجنوں فلسطینی شہید؛ جنگ بندی دوبارہ بحال
غزہ میں اسرائیل نے سیز فائر معاہدے کی سنگین خلاف ورزیوں کے دوران درجنوں فلسطینیوں کو شہید کرنے کے بعد جنگ بندی معاہدہ دوبارہ بحال کرنے کا اعلان کردیا۔
اسرائیلی فوج نے غزہ میں سرنگوں سمیت حماس کے متعدد اہداف پر 120 راکٹ حملے کیے، حماس کو جواز بنا کر شہری آبادی کو بھی نشانہ بنایا گیا۔
قابض افواج نے خان یونس کے شمال مغربی علاقے میں بے گھر افراد کے خیموں اور غزہ کے نصیرات کیمپ پر بھی شدید بمباری کی۔
جنگ بندی کے باوجود اسرائیلی فضائی حملوں میں صبح سے اب تک 45 فلسطینی شہید ہوچکے ہیں، جبکہ 10 اکتوبر کو جنگ بندی نافذ ہونے کے بعد مجموعی طور پر 98 فلسطینی جامِ شہادت نوش کرچکے ہیں۔
اسرائیلی فوج نے دعویٰ کیا کہ یہ حملے حماس کی جانب سے ان کے اہلکاروں پر کیے گئے حملوں کے جواب میں کیے گئے، تاہم حماس نے ان الزامات کو مسترد کرتے ہوئے کہا کہ اسرائیل جنگ دوبارہ شروع کرنے کے لیے بہانے تراش رہا ہے۔
درجنوں فلسطینیوں کی شہادت کے بعد اسرائیلی فوج نے نیا بیان جاری کرتے ہوئے کہا کہ حماس کے اہداف پر کارروائی مکمل ہونے کے بعد غزہ میں جنگ بندی دوبارہ نافذ کردی گئی ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
