سعودی عرب کا عمرہ زائرین کے لیے نئی ویزا پالیسی تیار کرنے کااعلان
WebDesk
31 اکتوبر, 2025 21:49
Saudi Arabia announces new visa policy for Umrah pilgrims
سعودی عرب نے عمرہ زائرین کے لیے نئی ویزا پالیسی وضع کرنے کااعلان کیا ہے، اب زائرین کو ویزا جاری ہونے کے ایک ماہ کے اندر مملکت سعودی عرب میں داخل ہونا لازمی ہوگا۔
سعودی حکام کے مطابق اگر مقررہ مدت میں داخلہ نہ کیا گیا تو ویزا خود بخود منسوخ ہو جائے گا۔ عرب ذرائع ابلاغ کے مطابق یہ نئی پالیسی آئندہ ہفتے سے نافذ العمل ہونے کا امکان ہے، جس کے باضابطہ اعلان کا انتظار کیا جا رہا ہے۔
نئی ویزا پالیسی کے تحت عمرہ زائرین کے لیے داخلے کی مدت تین ماہ سے کم کر کے ایک ماہ کر دی گئی ہے۔
ذرائع کے مطابق اس اقدام کا مقصد عمرہ ویزا کے طریقہ کار کو مزید منظم بنانا، اور زائرین کی آمد و روانگی کے نظام کو بہتر اور موثر بنانا ہے، خاص طور پر اُن دنوں میں جب زائرین کی تعداد میں اضافہ ہوتا ہے۔
اس سے قبل زائرین کو ویزا حاصل کرنے کے بعد 3 ماہ کے اندر سعودی عرب پہنچنے کی سہولت مل جاتی تھی، جس سے ان کے لیے سفری منصوبہ بندی میں آسانی رہتی تھی۔
اب نئی پالیسی کے تحت مقررہ ایک ماہ کی مدت میں داخلہ نہ کرنے والے زائرین کا ویزا خودکار نظام کے تحت منسوخ کر دیا جائے گا۔ عمرہ ویزا کے حوالے سے ایک اہم نکتہ یہ ہے کہ مملکت میں قیام کی مدت میں کوئی تبدیلی نہیں کی گئی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
