سعودی عرب نے عمرہ ویزا کیلئے نئے ضوابط نافذ کردیے
WebDesk
31 اکتوبر, 2025 11:30
سعودی عرب نے عمرہ ویزا کیلئے نئے ضوابط نافذ کردیے
ریاض: سعودی وزارتِ حج و عمرہ نے عمرہ زائرین کے لیے نئی پالیسی کا اعلان کرتے ہوئے عمرہ ویزا کے ضوابط میں اہم تبدیلی متعارف کرائی ہے۔
وزارت کے مطابق نئے قانون کے تحت عمرہ ویزا ملنے کے 30 دن کے اندر سعودی عرب میں داخل ہونا لازمی قرار دیا گیا ہے۔ اگر مقررہ مدت میں داخلہ نہ کیا گیا تو ویزہ خود بخود منسوخ ہو جائے گا۔
پہلے ویزا جاری ہونے کے بعد زائرین کو سعودی عرب میں داخلے کے لیے 3 ماہ کی مہلت دی جاتی تھی، تاہم اب اس مدت کو ایک ماہ تک محدود کر دیا گیا ہے۔ وزارت نے واضح کیا کہ سعودی عرب پہنچنے کے بعد عازمین کو قیام کے لیے بدستور 3 ماہ کا وقت دیا جائے گا۔
سعودی عرب کی قومی کمیٹی برائے عمرہ کے مشیر احمد باجیفر نے بتایا کہ نئے ضوابط آئندہ ہفتے سے نافذ ہوں گے۔ ان کے مطابق یہ اقدام عمرہ زائرین کی بڑھتی ہوئی تعداد کے پیش نظر کیا گیا ہے تاکہ ویزا نظام کو مزید منظم اور مؤثر بنایا جا سکے۔
عرب نیوز کے مطابق رواں سال جون سے اب تک 40 لاکھ سے زائد بین الاقوامی زائرین کے لیے عمرہ ویزے جاری کیے جا چکے ہیں، جو گزشتہ برسوں کے مقابلے میں ریکارڈ اضافہ ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
