ٹرمپ کا امن منصوبہ عرب دنیا کے وسائل پر قبضے کی امریکی سازش ہے، علی اکبر ولایتی
WebDesk
01 نومبر, 2025 10:20
ٹرمپ کا امن منصوبہ عرب دنیا کے وسائل پر قبضے کی امریکی سازش ہے، علی اکبر ولایتی
رہبرِ انقلابِ اسلامی ایران کے سینئر مشیر علی اکبر ولایتی نے کہا ہے کہ امریکی صدر ڈونلڈ ٹرمپ کا امن منصوبہ دراصل عرب دنیا کے قدرتی وسائل پر قبضے کی امریکی سازش کا حصہ ہے۔
رپورٹ کے مطابق علی اکبر ولایتی نے غزہ میں جاری جنگ بندی کی خلاف ورزیوں پر امریکہ اور اسرائیل دونوں کو ذمہ دار ٹھہراتے ہوئے کہا کہ امریکا کی خاموشی دراصل مالی اور سیاسی مفادات کو عملی جامہ پہنانے کی کوشش ہے۔
انہوں نے کہا کہ یہ منصوبہ اسلامی ممالک کی خودمختاری اور خطے کے استحکام کے لیے ایک سنگین خطرہ ہے۔
ان کا کہنا تھا کہ ٹرمپ کا منصوبہ امن کے نام پر عرب ممالک کے وسائل کے استحصال کا ذریعہ ہے، جبکہ شرم الشیخ اجلاس اسی مقصد کے لیے منعقد کیا گیا تاکہ امریکی اثر و رسوخ کو مزید مضبوط کیا جا سکے۔
سینئر مشیر کے مطابق امریکہ خطے میں اسرائیلی مظالم کو جواز فراہم کرنے اور عرب دنیا میں اپنی پالیسیوں کو نافذ کرنے کے لیے سرگرم ہے۔
علی اکبر ولایتی نے مزید کہا کہ ایسے اقدامات نہ صرف عالمی امن کے لیے خطرہ ہیں بلکہ عرب اقوام کی خودمختاری پر بھی براہِ راست حملہ ہیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
