میکسیکو کی سپرمارکیٹ میں خوفناک دھماکا، 23 افراد جاں بحق جبکہ متعدد زخمی
WebDesk
02 نومبر, 2025 11:25
میکسیکو کی سپرمارکیٹ میں خوفناک دھماکا، 23 افراد جاں بحق جبکہ متعدد زخمی
شمالی میکسیکو کے شہر ہرموسیو میں ایک مصروف سپرمارکیٹ میں ہونے والے خوفناک دھماکے نے علاقے میں کہرام مچا دیا، واقعے میں کم از کم 23 افراد ہلاک اور 11 زخمی ہوئے، جن میں بچے بھی شامل ہیں۔
ابتدائی تحقیقات کے مطابق دھماکا ممکنہ طور پر برقی ٹرانسفارمر کی خرابی کے باعث ہوا، تاہم حکام نے واقعے کی مکمل تحقیقات کا حکم دے دیا ہے۔
سونورا ریاست کے گورنر الفونسو دورازو نے ویڈیو پیغام میں بتایا کہ زخمیوں کو قریبی اسپتالوں میں منتقل کر دیا گیا ہے اور متاثرہ خاندانوں کو ہر ممکن مدد فراہم کی جا رہی ہے۔
دھماکے کے بعد والڈوز اسٹور میں شدید آگ بھڑک اٹھی جس نے عمارت کے بڑے حصے کو اپنی لپیٹ میں لے لیا، فائر بریگیڈ نے کئی گھنٹوں کی جدوجہد کے بعد آگ پر قابو پایا، تاہم عمارت کو شدید نقصان پہنچا۔
میکسیکو کی صدر کلاڈیا شینباؤم نے جاں بحق افراد کے اہلِ خانہ سے گہرے دکھ اور افسوس کا اظہار کرتے ہوئے کہا کہ وفاقی حکومت متاثرین کے ساتھ کھڑی ہے۔
واقعے کے بعد مقامی انتظامیہ نے ڈی آف دی ڈیڈ (Day of the Dead) کی تمام تقریبات منسوخ کر دیں اور شہریوں سے متاثرہ علاقے سے دور رہنے کی اپیل کی ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
