افغانستان میں تباہ کن زلزلہ، 20 افراد ہلاک، 300 سے زائد زخمی جبکہ درجنوں عمارتیں زمین بوس
WebDesk
03 نومبر, 2025 08:20
افغانستان میں تباہ کن زلزلہ، 7 افراد ہلاک، 150 سے زائد زخمی جبکہ درجنوں عمارتیں زمین بوس
افغانستان کے شمالی ہندوکش پہاڑی سلسلے میں شدید زلزلہ آیا، جس کی شدت 6.3 ریکارڈ کی گئی۔
تفصیلات کے مطابق زلزلے کے نتیجے میں کم از کم 20 افراد جاں بحق جبکہ 300 سے زائد زخمی ہوئے، متعدد مکانات اور عمارتوں کو بھی بھاری نقصان پہنچا۔
زلزلے کے جھٹکے صوبہ بلخ کے دارالحکومت مزارِ شریف سمیت کئی شمالی شہروں میں محسوس کیے گئے، جس کے باعث شہریوں میں شدید خوف و ہراس پھیل گیا، زلزلے کے وقت لوگ نیند سے بیدار ہوکر گھروں سے باہر نکل آئے اور کھلے مقامات کی جانب بھاگنے لگے۔
امریکی جیولوجیکل سروے کے مطابق زلزلے کا مرکز صوبہ سمنگان کے ضلع خُلم سے تقریباً 22 کلو میٹر جنوب مغرب میں تھا، جبکہ اس کی گہرائی 28 کلو میٹر ریکارڈ کی گئی۔
حکام کے مطابق زلزلے سے سب سے زیادہ نقصان دیہی علاقوں میں ہوا ہے، جہاں کچی عمارتوں کے منہدم ہونے کے باعث مزید ہلاکتوں کا خدشہ ظاہر کیا جا رہا ہے، ریسکیو ٹیمیں متاثرہ علاقوں میں امدادی کارروائیاں جاری رکھے ہوئے ہیں۔
زلزلے کے جھٹکے افغانستان کے پڑوسی ممالک ترکمانستان، تاجکستان، ازبکستان اور ایران میں بھی محسوس کیے گئے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
