غزہ آپریشنز امریکا کو بتائے جاتے ہیں، اجازت نہیں لی جاتی؛ اسرائیلی وزیراعظم نیتن یاہو
WebDesk
03 نومبر, 2025 08:00
غزہ آپریشنز امریکا کو بتائے جاتے ہیں، اجازت نہیں لی جاتی؛ اسرائیلی وزیراعظم نیتن یاہو
اسرائیلی وزیر اعظم بنیامین نیتن یاہو نے کہا ہے کہ غزہ میں جاری آپریشنز کی معلومات امریکا کو فراہم کی جاتی ہیں مگر ان کارروائیوں کے لیے کسی قسم کی اجازت درکار نہیں ہوتی۔
کابینہ کے اجلاس سے خطاب میں نیتن یاہو نے دعویٰ کیا کہ غزہ کے کچھ علاقوں میں ابھی بھی حماس کی موجودگی برقرار ہے اور ان مراکز کو مرحلہ وار ختم کیا جا رہا ہے۔
انہوں نے خاص طور پر رفح اور خان یونس کا ذکر کرتے ہوئے کہا کہ وہاں موجود حماس کے ٹھکانوں کو جلد نشانہ بنایا جائے گا۔
ان کا کہنا تھا کہ غزہ میں موجود حماس کے ٹھکانوں کو تباہ کرنے کا عزم برقرار ہے اور اگر کسی نے بھی اسرائیلی فوج کو نقصان پہنچانے کی کوشش کی تو وہ فوری اور طاقتور ردعمل دیں گے۔
بنیامین نیتن یاہو نے کہا کہ اسرائیل اپنی افواج کے دفاع کے لیے ہر ممکن قدم اٹھائے گا اور حملہ آوروں کے ساتھ ساتھ ان تنظیموں کو بھی ٹارگٹ کرے گا جو فوج پر حملوں میں ملوث ہوں۔
اسرائیلی وزیر اعظم کا کہنا تھا کہ یہ ذمہ داری وہ ذاتی طور پر اعلیٰ سطح پر نبھائیں گے اور سیکیورٹی فیصلے خود سنبھالیں گے۔
انہوں نے مزید بتایا کہ غزہ میں جاری آپریشنز کی معلومات امریکہ کو فراہم کی جاتی ہیں مگر ان کارروائیوں کے لیے کسی قسم کی اجازت درکار نہیں ہوتی، اسرائیل اپنے تحفظ کی خاطر خود فیصلے کرتا ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
