یو اے ای میں پرچم کی توہین پر 25 سال قید اور 5 لاکھ درہم جرمانہ، یومِ پرچم پر حکام کی سخت ہدایات
سید عبد القیوم بخاری
03 نومبر, 2025 17:58
یو اے ای جانے کے خواہشمند پاکستانیوں کیلئے خوشخبری
ابوظہبی:متحدہ عرب امارات (یو اے ای) میں یومِ پرچم کے موقع پر حکام نے پرچم کی عزت و حرمت کے حوالے سے شہریوں کے لیے سخت ہدایات جاری کی ہیں، جن کی خلاف ورزی پر بھاری سزائیں مقرر کی گئی ہیں۔
سرکاری اعلامیے کے مطابق اماراتی پرچم کی توہین پر 25 سال تک قید کی سزا دی جا سکتی ہے، جب کہ پرچم کے غلط یا غیرمناسب استعمال پر 5 لاکھ درہم (تقریباً 3 کروڑ 78 لاکھ پاکستانی روپے) تک جرمانہ عائد کیا جا سکتا ہے۔
حکام نے واضح کیا ہے کہ پرچم کے ڈیزائن کو کیک، غباروں، ملبوسات یا دیگر سجاوٹی اشیاء پر استعمال کرنا توہین کے زمرے میں آتا ہے، اور ایسے عمل کے خلاف سخت کارروائی کی جائے گی۔
اماراتی وزارتِ انصاف اور پولیس حکام نے شہریوں اور رہائشیوں سے اپیل کی ہے کہ وہ یومِ پرچم کے موقع پر پرچم لہرانے کے تمام ضابطوں اور رہنما اصولوں پر مکمل طور پر عمل کریں تاکہ اس قومی نشان کی حرمت اور وقار برقرار رہے۔
مزید ہدایت میں کہا گیا ہے کہ اماراتی پرچم کو اشتہارات، کاروباری تشہیر یا تجارتی مقاصد کے لیے استعمال کرنا غیرقانونی ہے، اور ایسا کرنے والوں کے خلاف فوری قانونی کارروائی کی جائے گی۔یو اے ای میں ہر سال 3 نومبر کو یومِ پرچم منایا جاتا ہے، جس کا مقصد ریاست کے اتحاد، حب الوطنی اور قومی وقار کو اجاگر کرنا ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
