امریکا کے پاس دنیا کو 150 بار تباہ کرنے کی صلاحیت رکھنے والا ایٹمی ذخیرہ ہے، ٹرمپ کا انکشاف
WebDesk
04 نومبر, 2025 10:05
وائٹ ہاؤس کے قریب فائرنگ کا واقعہ نفرت اور برائی کی علامت ہے، امریکی صدر
واشنگٹن: امریکی صدر ڈونلڈ ٹرمپ نے انکشاف کیا ہے کہ امریکا کے پاس اتنے ایٹمی ہتھیار موجود ہیں جو پوری دنیا کو 150 مرتبہ تباہ کرنے کی صلاحیت رکھتے ہیں۔
ایک امریکی نشریاتی ادارے کو انٹرویو دیتے ہوئے ٹرمپ نے کہا کہ پاکستان، شمالی کوریا، روس اور چین جیسے ممالک خفیہ طور پر زیرِ زمین ایٹمی تجربات کر رہے ہیں۔
ان کے مطابق یہ تجربات اتنے گہرے مقام پر کیے جاتے ہیں کہ صرف ہلکی سی لرزش محسوس ہوتی ہے، جس کی وجہ سے انہیں بین الاقوامی سطح پر پکڑنا مشکل ہوتا ہے۔
ان کا کہنا تھا کہ امریکا خود ایٹمی ہتھیاروں کے استعمال کا خواہاں نہیں، تاہم امریکا اپنے ہتھیاروں کی افادیت اور تکنیکی صلاحیت جانچنے کے لیے تجربات کرنے کا حق رکھتا ہے۔
دوسری جانب چین نے امریکی صدر کے الزامات کو سختی سے مسترد کر دیا۔
چینی وزارتِ خارجہ کے ترجمان کا کہنا ہے کہ بیجنگ کی ایٹمی پالیسی ہمیشہ دفاعی نوعیت کی رہی ہے، اور چین کسی بھی جارحانہ ایٹمی سرگرمی میں ملوث نہیں۔
ماہرین کے مطابق ٹرمپ کا یہ بیان عالمی سطح پر ایک نئی ایٹمی دوڑ کے خدشات کو جنم دے سکتا ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
