صدر آصف علی زرداری تین روزہ سرکاری دورے پر قطر پہنچ گئے
WebDesk
04 نومبر, 2025 08:43
صدر آصف علی زرداری تین روزہ سرکاری دورے پر قطر پہنچ گئے
صدرِ مملکت آصف علی زرداری تین روزہ سرکاری دورے پر قطر پہنچ گئے۔
قطر پہنچنے پر کنگ احمد انٹرنیشنل ایئرپورٹ پر سینئر قطری حکام اور پاکستان کے سفیر نے ان کا پرتپاک استقبال کیا، اس موقع پر صدر مملکت کو پھولوں کا گلدستہ بھی پیش کیا گیا۔
آصف علی زرداری اپنے دورے کے دوران عالمی سماجی ترقیاتی کانفرنس میں شرکت کریں گے، جہاں وہ پاکستان کے سماجی ترقیاتی اقدامات اور جامع معاشی نمو کے لیے جاری منصوبوں پر روشنی ڈالیں گے۔
اپنے خطاب میں صدر مملکت بینظیر انکم سپورٹ پروگرام کے کردار، کمزور طبقات کے تحفظ اور سماجی فلاحی اقدامات کی اہمیت پر بھی زور دیں گے۔
صدر زرداری دوحہ الائنس برائے سوشل پروٹیکشن اینڈ جابز کمپیکٹ کے آغاز سے متعلق پاکستان کے اقدامات بھی پیش کریں گے اور مالی وسائل کے مؤثر استعمال، پائیدار ترقی کے اہداف (SDGs) اور بین الاقوامی تعاون کی ضرورت پر بات کریں گے۔
دورے کے دوران صدر کی عالمی و علاقائی رہنماؤں اور بین الاقوامی تنظیموں کے نمائندوں سے ملاقاتیں بھی شیڈول ہیں، جن میں سماجی ترقی، سرمایہ کاری اور خطے میں تعاون کے فروغ پر تبادلہ خیال کیا جائے گا۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
