حزب اللہ کے حملوں کے اثرات برقرار، اسرائیل کا مہنگا ترین فضائی نگرانی نظام ناکارہ ہو گیا
WebDesk
04 نومبر, 2025 11:42
حزب اللہ کے حملوں کے اثرات برقرار، اسرائیل کا مہنگا ترین فضائی نگرانی نظام ناکارہ ہو گیا
تل ابیب: حزب اللہ کی مسلسل کارروائیوں کے نتیجے میں اسرائیل کا مہنگا ترین فضائی نگرانی نظام "تل شمایم” ناکارہ ہو گیا، جس کے بعد صہیونی فوج نے اس منصوبے کو مکمل طور پر ختم کرنے کا فیصلہ کر لیا۔
صہیونی میڈیا نے انکشاف کیا ہے کہ اسرائیلی فضائیہ کا جدید جاسوسی سسٹم، جو شمالی سرحدی علاقے الجلیل سلفی کی نگرانی کے لیے نصب کیا گیا تھا، حزب اللہ کے مؤثر حملوں کے بعد ڈیڑھ سال گزرنے پر بند کر دیا گیا ہے۔
ذرائع کا کہنا ہے کہ یہ نظام اسرائیل کے لیے کروز میزائل اور ڈرون سرگرمیوں کی نگرانی میں کلیدی کردار ادا کر رہا تھا، تاہم بار بار کے حملوں سے اس کا بیشتر حصہ تباہ ہو گیا، جس کی وجہ سے یہ منصوبہ اب مزید قابلِ عمل نہیں رہا۔
رپورٹ کے مطابق "تل شمایم” منصوبے پر سینکڑوں ملین شیکل لاگت آئی تھی، مگر حزب اللہ کے حملوں کے باعث صہیونی فضائیہ کو نہ صرف سسٹم بند کرنا پڑا بلکہ اس میں کام کرنے والے اہلکاروں کو دیگر یونٹس میں منتقل کر دیا گیا ہے۔
واضح رہے کہ گزشتہ چند ماہ کے دوران حزب اللہ نے اسرائیلی جاسوسی ٹاورز، کمیونیکیشن مراکز اور نگرانی کے آلات کو کئی بار نشانہ بنایا ہے، جس سے صہیونی افواج کو شمالی محاذ پر بھاری نقصان اٹھانا پڑا۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
