ہفتہ، 29-نومبر،2025
ہفتہ 1447/06/08هـ (29-11-2025م)

بڑی خوشخبری؛ دبئی میں پاکستانیوں کیلئے ملازمتوں کے دروازے کھل گئے

05 نومبر, 2025 11:59

دبئی: دبئی کے ولی عہد شیخ حمدان بن محمد بن راشد المکتوم نے ایسے اہم منصوبوں کی منظوری دی ہے، جو ہزاروں نئی ملازمتوں کے مواقع فراہم کریں گے اور دبئی کی معیشت کو مزید مستحکم کریں گے۔

غیر ملکی خبر رساں ایجنسی کے مطابق یہ منصوبے متحدہ عرب امارات کے سالانہ حکومتی اجلاس میں منظور کیے گئے، جن کا مقصد دبئی کو دنیا کے خوبصورت اور قابل رہائش شہروں میں شامل کرنا ہے۔

شیخ حمدان کے مطابق ان منصوبوں کے ذریعے 15 ہزار نئی ملازمتیں پیدا ہوں گی، اور اس میں جدید اور سستے نجی اسکولز بھی شامل ہیں۔

منصوبوں کی اہم جھلکیاں

  • عوامی پارکس کا قیام
  • ایوی ایشن ٹیلنٹ پروگرام
  • مالیاتی دیوالیہ پن عدالت کا قیام
  • کینسر کی ابتدائی تشخیص کے نظام
  • اسپورٹس سیکٹر اسٹریٹجک پلان 2033

یہ اقدامات نہ صرف دبئی کی معیشت کو مضبوط کریں گے بلکہ نجی شعبے میں 65 ہزار اماراتی شہریوں کے روزگار کے ہدف کا حصہ بھی ہوں گے۔

اسپورٹس پلان 2033 میں 19 پروگرامز اور 75 اقدامات شامل ہیں، جو نوجوانوں اور خصوصی افراد پر خصوصی توجہ دیں گے، اور دبئی کو دنیا کے کھیلوں کا عالمی مرکز بنانے میں مدد کریں گے۔

شیخ حمدان نے کہا کہ یہ منصوبے دبئی کے وژن کا حصہ ہیں، جس کے تحت ہر شہری کو خوشحال، صحت مند اور پُرامن زندگی کے مساوی مواقع فراہم کیے جائیں گے۔

Catch all the دنیا News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔