مسلم امیدوار ظہران ممدانی نے میدان مار لیا؛ نیویارک سٹی کے میئر منتخب
WebDesk
05 نومبر, 2025 07:27
Muslim candidate Zohran Mamdani wins the race; elected as New York City mayor
نیویارک سٹی میں ایک نئی تاریخ رقم ہوگئی ہے۔ مسلم امیدوار ظہران ممدانی نیویارک کے میئر منتخب ہوگئے۔
یہ پہلا موقع ہے کہ شہر کے میئر کے عہدے پر کسی مسلمان کو کامیابی ملی ہے۔ ظہران ممدانی کا مقابلہ سابق گورنر اور آزاد امیدوار اینڈریو کومو اور ریپبلکن پارٹی کے کرٹس سلوا سے تھا۔ سخت مقابلے کے بعد ظہران ممدانی نے واضح برتری حاصل کی۔
انتخابات میں شہریوں کی بڑی تعداد نے حصہ لیا۔ اس سال ووٹنگ ٹرن آؤٹ 2001 کے بعد سب سے زیادہ رہا۔ 17 لاکھ سے زائد ووٹرز نے اپنے حق رائے دہی کا استعمال کیا۔ نیویارک کے مختلف علاقوں میں پولنگ اسٹیشنز پر طویل قطاریں دیکھی گئیں۔
دلچسپ بات یہ ہے کہ سابق امریکی صدر ڈونلڈ ٹرمپ اور بزنس ٹائیکون ایلون مسک نے ظہران ممدانی کی مخالفت کی تھی۔ اس کے باوجود ممدانی نے تاریخی کامیابی حاصل کی۔
دوسری جانب امریکا کی تمام 50 ریاستوں میں مقامی اور ریاستی انتخابات بھی جاری ہیں۔ ریاست ورجینیا میں ڈیموکریٹ پارٹی نے شاندار کامیابی حاصل کی۔ ایگزٹ پولز کے مطابق ڈیموکریٹ امیدوار ایبی گیل اسپین برجر ورجینیا کی پہلی خاتون گورنر منتخب ہوگئیں۔
اسی ریاست میں بھارتی نژاد اور مسلم خاتون امیدوار غزالہ ہاشمی نائب گورنر بن گئی ہیں۔ یہ کامیابی امریکی سیاست میں خواتین اور اقلیتوں کے لیے ایک مثبت قدم قرار دی جا رہی ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
