پاک بھارت جنگ میں 8 طیارے گرائے گئے، ٹرمپ کا نیا دعویٰ
WebDesk
06 نومبر, 2025 09:00
ٹرمپ کی ہنگامی ہدایت: واشنگٹن میں سیکیورٹی مزید سخت، 500 اضافی اہلکار تعینات
امریکی صدر ڈونلڈ ٹرمپ نے دعویٰ کیا ہے کہ پاک بھارت جنگ میں 8 طیارے گرائے گئے۔
رپورٹ کے مطابق امریکی ریاست میامی میں ایک بزنس فورم سے خطاب کرتے ہوئے امریکی صدر ڈونلڈ ٹرمپ نے دعویٰ کیا ہے کہ پاک بھارت جنگ کے دوران 8 طیارے گرائے گئے تھے۔
انہوں نے کہا کہ بعض اخبارات میں 7 طیاروں کے گرائے جانے کی خبریں شائع ہوئیں، مگر حقیقت میں یہ تعداد 8 تھی۔
انہوں نے طنزیہ انداز میں کہا کہ وہ کسی مخصوص اخبار کا نام نہیں لیں گے کیونکہ بیشتر میڈیا "جھوٹی خبریں” دیتا ہے۔
اپنی گفتگو کے دوران ٹرمپ نے ایک بار پھر اس بات کا کریڈٹ بھی لیا کہ انہوں نے دونوں ایٹمی طاقتوں کے درمیان ممکنہ جنگ کو "ٹیرف کی پالیسی” کے ذریعے رکوانے میں کردار ادا کیا۔
یاد رہے کہ اس سے قبل بھی امریکی صدر مختلف مواقع پر پاک بھارت کشیدگی کے دوران 7 طیاروں کے گرائے جانے کا ذکر کرچکے ہیں، تاہم اب انہوں نے پہلی بار 8 طیاروں کا دعویٰ کیا ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
