زہران ممدانی کو ہرانے کے لیے ارب پتی طبقے نے کروڑوں ڈالر جھونک دیے؛ امریکی اخبار کا انکشاف
WebDesk
06 نومبر, 2025 10:30
زہران ممدانی کو ہرانے کے لیے ارب پتی طبقے نے کروڑوں ڈالر جھونک دیے؛ امریکی اخبار کا انکشاف
امریکی اخبار کی تازہ رپورٹ میں انکشاف کیا گیا ہے کہ نیویارک کے حالیہ میئر الیکشن میں مسلم امیدوار زہران ممدانی کی جیت روکنے کے لیے ملک کے امیر ترین طبقے نے غیر معمولی سرمایہ خرچ کیا۔
رپورٹ کے مطابق 26 ارب پتیوں اور ان کے خاندانوں نے مل کر تقریباً 2 کروڑ 20 لاکھ ڈالر ایسے امیدواروں کی حمایت میں لگائے جو ممدانی کے مخالف سمجھے جاتے تھے۔ مقصد صرف ایک تھا، ممدانی کی بڑھتی سیاسی مقبولیت کو روکنا۔
ذرائع کے مطابق سابق میئر مائیکل بلوم برگ نے ممدانی کے حریف اینڈریو کومو کی مہم کے لیے 15 لاکھ ڈالر فراہم کیے، جبکہ دیگر سرمایہ کاروں نے بھی بڑی مالی معاونت دی۔
دلچسپ بات یہ ہے کہ صرف دو معروف ارب پتی ایلزبتھ سمنز اور ٹام پریسٹن ورنر نے ممدانی کا کھل کر ساتھ دیا۔ سمنز نے ڈھائی لاکھ ڈالر اور پریسٹن ورنر نے 20 ہزار ڈالر ان کی مہم میں عطیہ کیے۔
انتخابی نتائج کے بعد حالات بدلنے لگے، ممدانی کی جیت کے بعد وہی سرمایہ دار طبقہ جو ان کے خلاف تھا، اب تعاون کی پیشکش کر رہا ہے۔
معروف کاروباری شخصیت بل ایکمین نے ممدانی کے ساتھ کام کرنے کی خواہش ظاہر کی، جبکہ رالف شلوسٹائن نے کہا کہ “انتخابی مقابلہ ختم ہو چکا، اب وقت ہے کہ نیویارک متحد ہو کر آگے بڑھے۔”
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
