ہفتہ، 29-نومبر،2025
ہفتہ 1447/06/08هـ (29-11-2025م)

کویت جانا ہوا اب آسان؛ نئی ویزا سہولت متعارف!!! درخواست دینے کا آسان طریقہ جانیے

06 نومبر, 2025 12:28

کویت نے اپنے نئے ڈیجیٹل پلیٹ فارم "وزٹ کویت” کو باضابطہ طور پر متعارف کروادیا ہے، جس کے ذریعے دنیا بھر کے مسافروں کے لیے ای ویزا حاصل کرنا مزید آسان ہوگیا ہے۔

گلف نیوز کی رپورٹ کے مطابق کویت حکومت نے اپنے ڈیجیٹل پورٹل "وزٹ کویت” کو فعال کر لیا ہے۔ اس پلیٹ فارم کے ذریعے دنیا بھر کے مسافر اب ای ویزا کے لیے آن لائن درخواست دے سکیں گے، جس سے سفر کے دوران ہونے والی مشکلات میں کمی آئے گی اور افراد کو کویت میں داخل ہونے کا عمل سادہ اور تیز تر ہو جائے گا۔

کونا نیوز ایجنسی کے مطابق یہ اقدام کویت وژن 2035 کے تحت سیاحت کو فروغ دینے کی حکومتی حکمت عملی کا حصہ ہے۔ اس کا مقصد نہ صرف سیاحت کو بڑھاوا دینا ہے بلکہ ملک کے مختلف مقامات کو دنیا بھر میں متعارف کروانا بھی ہے۔

"وزٹ کویت” پلیٹ فارم کے ذریعے مختلف اقسام کے ویزے دستیاب ہوں گے۔ ان میں سیاحتی، خاندانی، تجارتی اور سرکاری ویزے شامل ہیں۔ ان ویزوں کو ایک ہی پلیٹ فارم پر آسانی سے حاصل کیا جا سکے گا، جس سے مختلف مقاصد کے لیے آنے والے افراد کے لیے داخلہ کا عمل سہل ہو جائے گا۔

سیاحتی ویزا:

سیاحتی ویزا کے تحت کویت آنے والے افراد کو ملک کے ثقافتی، تفریحی اور تاریخی مقامات دیکھنے کی اجازت ہوگی۔ اس ویزے پر 3 ماہ تک قیام کیا جا سکتا ہے۔

خاندانی ویزا:

خاندانی ویزا کویت میں مقیم افراد کو اپنے رشتہ داروں کو 30 دن کے لیے مدعو کرنے کی سہولت فراہم کرتا ہے۔ یہ ویزا خاندان کے افراد کے لیے بہترین انتخاب ہوگا۔

تجارتی ویزا:

تجارتی ویزا غیر ملکی کمپنیوں کے نمائندوں کو کویت میں کاروباری میٹنگز، تقریبات چچ یا مذاکرات کے لیے 30 دن کے لیے مدعو کرتا ہے۔

سرکاری ویزا:

یہ ویزا صرف سرکاری وفود اور سفارتی مشنز کے لیے مخصوص ہے۔

کویت کی وزارت اطلاعات و ثقافت اور وزیرِ مملکت برائے امورِ نوجوانان عبدالرحمان المطیری نے اس نئے پلیٹ فارم کے بارے میں کہا کہ "وزٹ کویت” ملک کا مرکزی ڈیجیٹل سیاحتی دروازہ ہے۔ اس پلیٹ فارم کے ذریعے ای ویزا حاصل کرنے کے ساتھ ساتھ زائرین کو ثقافتی، تفریحی اور ورثے سے متعلق سرگرمیوں کی معلومات بھی فراہم کی جائے گی۔ یہ پلیٹ فارم رواں سال اگست میں متعارف کرایا گیا تھا اور اب مکمل طور پر فعال ہو چکا ہے۔

Catch all the دنیا News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔