سوڈان میں انسانی المیہ شدت اختیار کر گیا، ایمنسٹی انٹرنیشنل کی عالمی برادری سے اقدامات کی اپیل
WebDesk
06 نومبر, 2025 13:00
سوڈان میں انسانی المیہ شدت اختیار کر گیا، ایمنسٹی انٹرنیشنل کی عالمی برادری سے اقدامات کی اپیل
انسانی حقوق کی عالمی تنظیم ایمنسٹی انٹرنیشنل نے اپنی تازہ رپورٹ میں خبردار کیا ہے کہ سوڈان اس وقت دنیا کا سب سے سنگین انسانی بحران بن چکا ہے، ملک میں جاری خانہ جنگی نے تباہی کی ایسی صورت اختیار کر لی ہے جسے بیان کرنا ممکن نہیں۔
رپورٹ کے مطابق ہزاروں بے گناہ شہری اس خونریز تنازع کا نشانہ بن چکے ہیں جبکہ 1 کروڑ 20 لاکھ سے زائد افراد اپنے گھروں سے بے دخل ہو گئے ہیں، ان متاثرین میں زیادہ تر خواتین، بچے اور بزرگ شامل ہیں جو انتہائی ناگفتہ بہ حالات میں زندگی گزارنے پر مجبور ہیں۔
ایمنسٹی انٹرنیشنل نے بتایا کہ سوڈان میں اس وقت تقریباً 1 کروڑ 40 لاکھ بچے فوری انسانی امداد کے منتظر ہیں۔ ملک میں خوراک، صاف پانی، ادویات اور پناہ گاہوں کی شدید قلت نے لاکھوں افراد کو فاقوں اور بیماریوں کے دہانے پر پہنچا دیا ہے۔
رپورٹ میں "ریپڈ سپورٹ فورسز” (RSF) پر سنگین الزامات عائد کیے گئے ہیں کہ وہ شہری علاقوں میں داخل ہو کر قتل عام، جنسی تشدد اور لوٹ مار میں ملوث ہیں۔
ایمنسٹی انٹرنیشنل نے اقوام متحدہ، افریقی یونین اور عالمی طاقتوں سے مطالبہ کیا ہے کہ وہ فوری طور پر جنگ بندی اور انسانی امداد کی فراہمی کے لیے عملی اقدامات کریں، ورنہ سوڈان میں انسانی تباہی ناقابلِ تلافی سطح پر پہنچ جائے گی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
