قازقستان اسرائیل کے ساتھ تعلقات استوار کرنے والے ابراہیمی معاہدے میں شامل ہوگیا، ٹرمپ کا اعلان
WebDesk
07 نومبر, 2025 08:21
قازقستان اسرائیل کے ساتھ تعلقات استوار کرنے والے ابراہیمی معاہدے میں شامل ہوگیا، ٹرمپ کا اعلان
امریکی صدر ڈونلڈ ٹرمپ نے کہا ہے کہ قازقستان اسرائیل کے ساتھ تعلقات استوار کرنے والے ابراہیمی معاہدے میں شامل ہوگیا ہے۔
وائٹ ہاؤس میں وسطی ایشیائی رہنماؤں کے ساتھ ہونے والی ملاقات کے دوران صدر ڈونلڈ ٹرمپ نے میڈیا کو بتایا کہ قازقستان میرے دوسرے دورِ صدارت میں ابراہیمی معاہدے میں شامل ہونے والا پہلا ملک بن چکا ہے۔
انہوں نے اہم اعلان کیا کہ قازقستان نے باضابطہ طور پر ابراہیمی معاہدے میں شمولیت اختیار کر لی ہے، یہ معاہدہ اسرائیل اور مسلم ممالک کے درمیان تعلقات استوار کرنے کے لیے ایک تاریخی قدم ہے۔
اس موقع پر ٹرمپ نے قازقستان کو ایک مضبوط اور ترقی پذیر ملک قرار دیتے ہوئے کہا کہ اس کی شمولیت نہ صرف خطے میں امن کی راہ ہموار کرے گی، بلکہ عالمی سطح پر تعاون اور خوشحالی کی طرف بھی ایک بڑا قدم ثابت ہوگی۔
ان کا کہنا تھا کہ کئی دوسرے ممالک بھی ابراہیمی معاہدے میں شامل ہونے کے خواہش مند ہیں، جو کہ مستقبل میں مزید استحکام اور ترقی کی راہیں کھولیں گے۔
یاد رہے کہ ابراہیمی معاہدہ 2020 میں ٹرمپ کی صدارت کے دوران اسرائیل اور مسلم اکثریتی ممالک کے درمیان سفارتی تعلقات کے قیام کے لیے طے پایا تھا، اس معاہدے کے تحت متحدہ عرب امارات، بحرین، مراکش، اور سوڈان نے اسرائیل کے ساتھ اپنے تعلقات معمول پر لائے تھے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
کراچی؛ ای چالان ادا نہ کرنے والے کا لائسنس کیسے اور کب معطل ہوگا؟ اہم خبر آگئی
29-نومبر،2025
