فلپائن کی تاریخ میں سب سے طاقتور طوفان نے 140 جانیں نگل لیں
WebDesk
07 نومبر, 2025 08:00
فلپائن کی تاریخ میں سب سے طاقتور طوفان نے 140 جانیں نگل لیں
فلپائن میں حالیہ سمندری طوفان کالمیگی نے وسطی علاقوں میں تباہی کی نئی داستان رقم کی۔
غیر ملکی میڈیا رپورٹس کے مطابق طوفان کی شدت اور اس کے نتیجے میں ہونے والے حادثات کے باعث کم از کم 140 افراد اپنی زندگی سے ہاتھ دھو بیٹھے جبکہ درجنوں اب تک لاپتہ ہیں۔
فلپائن کے سیبو شہر میں مسلسل موسلا دھار بارشوں اور طوفانی ہواؤں کے نتیجے میں سیلابی صورتحال پیدا ہوگئی، جس کے نتیجے میں مکانات، گاڑیاں اور کاروباری اشیاء بہہ گئیں۔ 2025 کا یہ طوفان اب تک کا سب سے طاقتور اور تباہ کن طوفان شمار کیا جا رہا ہے۔
خبر رساں اداروں کے مطابق طوفان کے دوران ہواؤں کی رفتار 140 کلومیٹر فی گھنٹہ تک پہنچ گئی تھی، جس نے سب کچھ تہس نہس کر دیا۔
اس تباہی کے بعد فلپائن کے صدر مارکوس نے ملک بھر میں ایمرجنسی کا اعلان کرتے ہوئے امدادی کارروائیاں تیز کر دی ہیں۔
اس دوران طوفان فلپائن سے نکل کر ویتنام کی طرف بڑھ رہا ہے، ویتنام کی حکومت نے صورتحال کی سنگینی کو مدنظر رکھتے ہوئے 2 لاکھ 60 ہزار سے زائد فوجی اور ریسکیو اہلکار تعینات کر دیے ہیں، ساحلی علاقوں سے لوگوں کو انخلا کا حکم دے دیا گیا ہے، اور اہم ہوائی اڈے و سڑکیں بند کر دی گئی ہیں تاکہ امدادی کارروائیاں جاری رہ سکیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
