ایران کا اقوام متحدہ سے امریکا اور اسرائیل کو جنگی جرائم پر جوابدہ بنانے کا مطالبہ
WebDesk
09 نومبر, 2025 10:00
ایران کا اقوام متحدہ سے امریکہ اور اسرائیل کو جنگی جرائم پر جوابدہ بنانے کا مطالبہ
ایران نے اقوام متحدہ سے مطالبہ کیا ہے کہ امریکا اور اسرائیل کو جنگی جرائم کی پاداش میں جوابدہ ٹھہرایا جائے۔
ایرانی سفیر امیر سعید ایراوانی نے اپنے احتجاجی خط میں امریکی صدر ڈونلڈ ٹرمپ کے حالیہ اعترافی بیان کو جنگی جرائم کا ناقابل تردید ثبوت قرار دیتے ہوئے فوری کارروائی کی درخواست کی ہے۔
ایراوانی نے اپنے خط میں کہا کہ 6 نومبر کو امریکی صدر کی جانب سے میڈیا پر دیے گئے بیان میں یہ تسلیم کیا گیا تھا کہ وہ جون 2025 میں ایران پر اسرائیلی حملے کی قیادت کر رہے تھے۔
ٹرمپ کے الفاظ "میں اس حملے کا انچارج تھا” اور "یہ اسرائیل کے لیے عظیم دن تھا” ایران کے لیے امریکہ کی براہ راست مداخلت کا کھلا ثبوت ہیں۔
ایراوانی نے کہا کہ امریکہ اور اسرائیل کی جانب سے کیے گئے یہ حملے اقوام متحدہ کے چارٹر کے آرٹیکل 2(4) کی خلاف ورزی ہیں، جس میں 1064 افراد کی شہادت ہوئی، جن میں فوجی کمانڈر، جوہری سائنسدان اور عام شہری شامل تھے۔
انہوں نے اس بات پر زور دیا کہ دونوں ممالک کو ان حملوں، شہری املاک کی تباہی، اور جوہری تنصیبات کو نشانہ بنانے پر مکمل طور پر جوابدہ ٹھہرایا جائے۔
ایراوانی نے اقوام متحدہ سے درخواست کی کہ ایران کے مطالبات کو سلامتی کونسل کی سرکاری دستاویز کے طور پر جاری کیا جائے اور ایران کو بین الاقوامی قانون کے تحت مکمل معاوضہ اور انصاف فراہم کیا جائے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
کراچی؛ ای چالان ادا نہ کرنے والے کا لائسنس کیسے اور کب معطل ہوگا؟ اہم خبر آگئی
29-نومبر،2025
