صہیونی فوج کو ہزاروں جنگجوؤں کی قلت کا سامنا

WebDesk

10 نومبر, 2025 11:34

صہیونی فوج کو ہزاروں جنگجوؤں کی قلت کا سامنا

Zionist army faces a shortage of thousands of fighters

صہیونی فوج شدید افرادی بحران سے دوچار ہو گئی ہے۔

مہر خبررساں ایجنسی کے مطابق اسرائیلی فوج نے اعلان کیا ہے کہ اسے کم از کم 12 ہزار نئے اہلکاروں کی فوری ضرورت ہے تاکہ جنگی محاذوں پر موجود یونٹس کو سہارا دیا جا سکے۔

رپورٹ کے مطابق قابض اسرائیلی فوج نے واضح کیا ہے کہ اس میں سے 7 ہزار اہلکاروں کی ضرورت فعال لڑاکا یونٹس کے لیے ہے۔

فوجی حکام کا کہنا ہے کہ مسلسل جنگ، لمبے آپریشنز اور بھاری جانی نقصان کے بعد افرادی قوت کی کمی خطرناک حد تک بڑھ چکی ہے۔

غزہ میں جاری طویل جنگ نے اسرائیلی فوج کی بھرتیوں کے نظام کو ہلا کر رکھ دیا ہے۔ متعدد نوجوان فوج میں شمولیت سے گریز کر رہے ہیں کیونکہ جنگی حالات اور ہلاکتوں کے بڑھتے ہوئے اعداد و شمار نے خوف کی فضا پیدا کر دی ہے۔