جی 7 وزرائے خارجہ کا غزہ میں امداد کی راہ میں رکاوٹوں پر تشویش کا اظہار
WebDesk
13 نومبر, 2025 07:50
جی 7 وزرائے خارجہ کا غزہ میں امداد کی راہ میں رکاوٹوں پر تشویش کا اظہار
ٹوکیو: جی 7 ممالک کے وزرائے خارجہ کے اجلاس کا مشترکہ اعلامیہ جاری کر دیا گیا۔
اعلامیہ کے مطابق جی 7 وزرائے خارجہ نے صدر ٹرمپ کے غزہ منصوبے کے لیے اپنی مضبوط حمایت کا اعادہ کیا، وزرائے خارجہ نے اسرائیلی یرغمالیوں کی باقیات کی فوری واپسی پر زور دیا اور غزہ میں انسانی امداد پہنچانے میں رکاوٹوں پر گہری تشویش کا اظہار کیا۔
اعلامیہ میں تمام فریقین سے مطالبہ کیا گیا کہ وہ بغیر کسی رکاوٹ کے بڑے پیمانے پر غزہ میں انسانی امداد کی اجازت دیں، وزرائے خارجہ نے یوکرین کی خودمختاری، سالمیت اور دفاع کے حق کی مکمل حمایت کا بھی اعادہ کیا۔
مشترکہ اعلامیہ میں کہا گیا کہ یوکرین اور روس کے درمیان فوری سیز فائر کی اشد ضرورت ہے، جی 7 ممالک نے یوکرین کے توانائی ڈھانچے پر روس کے حملوں کی شدید مذمت کی۔
امریکی وزیر خارجہ مارکو روبیو نے اجلاس کے بعد گفتگو کرتے ہوئے کہا کہ سعودی ولی عہد کے آئندہ دورۂ واشنگٹن میں کچھ اچھے معاہدوں پر دستخط ہوں گے۔
ان کا کہنا تھا کہ محمد بن سلمان اگلے ہفتے صدر ٹرمپ سے ملاقات کریں گے، جبکہ معاہدوں سے متعلق چند امور کو حتمی شکل دینے کی ضرورت ہے۔
مارکو روبیو نے بتایا کہ امریکا نے نئی دہلی دھماکے کی تحقیقات میں بھارت کو مدد کی پیشکش کی ہے، تاہم بھارت خود اچھی تحقیقات کی صلاحیت رکھتا ہے، بھارت کو ہماری مدد کی ضرورت نہیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
دلچسپ و عجیب
‘یہ دلہن کے والد کی کمائی ہے، میں نہیں لے سکتا’، دلہے نے جہیز کے لاکھوں روپے ٹھکرا دیے
29-نومبر،2025
