سعودی عرب میں ملازمت کرنے والوں کیلئے بڑی خوشخبری آگئی
WebDesk
13 نومبر, 2025 10:35
Big News for Pakistan from Saudi Arabia
سعودی وزارتِ انسانی وسائل و سماجی بہبود نے غیر قانونی گھریلو ملازمین کے لیے دی گئی مہلت میں چھ ماہ کی توسیع کر دی ہے۔
وزارت کے مطابق اس توسیع کا مقصد گھریلو ملازمین اور ان کے کفیلوں (مالکان) کو اضافی وقت دینا ہے تاکہ وہ مساند پلیٹ فارم کے ذریعے اپنے معاملات کو قانونی طریقے سے درست کر سکیں۔ اس اقدام سے گھریلو ملازمین کے کام کے ماحول میں بہتری آئے گی اور دونوں فریقوں کے حقوق کو یقینی بنایا جا سکے گا۔
وزارت نے واضح کیا کہ یہ اقدام افرادی قوت کے شعبے میں اصلاحات کے تسلسل کا حصہ ہے، جس کا مقصد لیبر مارکیٹ میں نظم و ضبط پیدا کرنا اور معاہداتی تعلقات کو بہتر بنانا ہے۔
نئی پالیسی کے تحت وہ گھریلو ملازمین، جن کے خلاف غیر حاضری کی رپورٹ درج ہے، یا جن کے اقامے کی مدت ختم ہو چکی ہے، اپنے حالات کو درست کر سکتے ہیں۔ اس کے بعد وہ قانونی طریقے سے اپنی خدمات نئے کفیل کے نام منتقل کر سکتے ہیں، بشرطیکہ تمام ضوابط اور شرائط پوری کی جائیں۔
وزارت کے مطابق تمام کاروائیاں مساند پلیٹ فارم کے ذریعے انجام دی جائیں گی، اور یہ سہولت صرف ان گھریلو ملازمین کے لیے ہوگی جو اعلان کے بعد غیر حاضر نہیں ہوئے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
دلچسپ و عجیب
‘یہ دلہن کے والد کی کمائی ہے، میں نہیں لے سکتا’، دلہے نے جہیز کے لاکھوں روپے ٹھکرا دیے
29-نومبر،2025
