غزہ میں اجتماعی قبر سے 51 لاشیں برآمد
WebDesk
14 نومبر, 2025 08:00
غزہ میں اجتماعی قبر سے 51 لاشیں برآمد
اسرائیلی فوج کی جارحیت کا سلسلہ مغربی کنارے اور غزہ میں آج بھی نہ رک سکا۔
رپورٹ کے مطابق مغربی کنارے میں صیہونی فورسز کی فائرنگ سے 2 کم عمر بچے شہید ہوگئے، جبکہ علاقے میں کی گئی کارروائی کے دوران متعدد افراد زخمی ہوئے۔
اسرائیلی فوج نے گھروں پر دھاوا بولا اور وسیع پیمانے پر تلاشی کا عمل بھی جاری رکھا۔
ادھر غزہ میں جنگ بندی معاہدے کے باوجود اسرائیلی فضائی اور زمینی حملے جاری ہیں۔
غزہ سٹی، بیت لاہیا اور خان یونس میں آج ایک مرتبہ پھر فضائی بمباری اور توپ خانے سے گولہ باری کی گئی، جس سے کئی رہائشی علاقے لرز اٹھے۔
غزہ کی سول ڈیفنس نے بتایا ہے کہ تباہ شدہ علاقوں سے ایک اور اجتماعی قبر دریافت ہوئی ہے، جہاں سے 51 افراد کی لاشیں نکالی گئی ہیں۔
ادارے کے مطابق درجنوں خاندان اب بھی تباہ شدہ عمارتوں کے ملبے تلے دبے ہوئے ہیں، اور محدود ریسکیو مشینری کے باعث امدادی کام دشوار ہے۔
مزید برآں خان یونس سے ایک اسرائیلی یرغمالی کی لاش بھی برآمد کی گئی ہے، جسے آج اسرائیلی حکام کے حوالے کیے جانے کا امکان ہے۔
جنگ بندی معاہدے کی مسلسل خلاف ورزیوں پر اقوامِ متحدہ کے سیکریٹری جنرل انتونیو گوتریس نے شدید تشویش کا اظہار کرتے ہوئے کہا ہے کہ غزہ میں سیزفائر پہلے ہی نہایت نازک صورتحال میں ہے، اس لیے تمام فریقین کو معاہدے کی مکمل پاسداری کرنا ہوگی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
