منگل اور بدھ کو عام تعطیل کا اعلان

WebDesk

14 نومبر, 2025 12:33

Employees Rejoice: Announcement of 5 Consecutive Holidays

متحدہ عرب امارات میں قومی دن کے موقع پر سرکاری اور نجی شعبے کے ملازمین کے لیے دو روزہ تعطیل کا اعلان کیا گیا ہے۔

وزارت کی جانب سے جاری بیان کے مطابق 2 اور 3 دسمبر (منگل اور بدھ) کو عام تعطیل ہوگی۔ امارات میں عام طور پر ہفتہ وار چھٹیاں سنیچر اور اتوار کو ہوتی ہیں، اس لیے قومی دن کی تعطیل کے ساتھ ملازمین کو پانچ دن کے دوران چار دن کی چھٹیاں ملیں گی۔ یہ سہولت نہ صرف نجی شعبے کے ملازمین بلکہ سرکاری شعبے میں کام کرنے والے افراد کے لیے بھی دستیاب ہوگی۔

متحدہ عرب امارات کا قومی دن ہر سال 2 دسمبر کو منایا جاتا ہے۔ اس دن 1971 میں ابوظبی، دبئی، شارجہ، عجمان، ام القوین، راس الخیمہ اور فجیرہ کی ریاستوں کو متحد کر کے ملک کے قیام کا جشن منایا جاتا ہے۔ یہ دن متحدہ عرب امارات کی تاریخ اور یکجہتی کی یاد دلاتا ہے۔