خلیجی ممالک جانے کے خواہشمند پاکستانیوں کیلئے بڑی خوشخبری آگئی
WebDesk
14 نومبر, 2025 11:18
Great news for Pakistanis planning to travel to Gulf countries
وفاقی کابینہ نے گوادر اور عمان کے درمیان فیری سروس کے آغاز کی منظوری دے دی ہے، جس سے پاکستان اور عمان کے درمیان سمندری رابطے کو فروغ ملے گا۔
وفاقی وزیر برائے بحری امور جنید انور نے بتایا کہ دونوں ممالک جلد ہی فیری سروس کے لیے مفاہمت نامہ دستخط کریں گے۔ انہوں نے کہا کہ انتظامات کو حتمی شکل دینے کے لیے عمانی وفد پاکستان کا دورہ کرے گا اور نئی فیری سروس جلد عوام کے لیے فعال ہو جائے گی۔
اس نئے روٹ کے ذریعے تجارتی حجم اور سرمایہ کاری میں اضافہ متوقع ہے، جبکہ پاکستانی تارکین وطن کے لیے سفر مزید آسان ہو جائے گا۔ وفاقی وزیر کے مطابق خطے کے ممالک کو بھی اس سروس کے ذریعے وسطی ایشیا کی منڈیوں تک رسائی حاصل ہوگی۔
ماہرین کا کہنا ہے کہ یہ قدم پاکستان اور عمان کے درمیان اقتصادی تعلقات کو مضبوط کرے گا اور دونوں ممالک کے لیے تجارتی مواقع میں اضافہ کرے گا۔ فیری سروس کے آغاز سے گوادر پورٹ کی اہمیت میں بھی اضافہ ہوگا اور سمندری تجارتی راستوں کی استعداد بہتر ہوگی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
عالمی یومِ یکجہتیِ فلسطین: وزیراعظم اور صدر مملکت کا یکجہتی پر مبنی خصوصی پیغام
29-نومبر،2025
