غزہ میں موسمِ سرما کی پہلی بارش؛ تباہ شدہ علاقے پانی میں ڈوب گئے
WebDesk
15 نومبر, 2025 07:55
غزہ میں موسمِ سرما کی پہلی بارش؛ تباہ شدہ علاقے پانی میں ڈوب گئے
غزہ پٹی میں موسمِ سرما کی پہلی بارش نے تباہ حال علاقوں میں مشکلات میں مزید اضافہ کر دیا۔
عرب میڈیا کے مطابق بارش کے بعد کئی علاقے تالابوں کا منظر پیش کرنے لگے جبکہ شدید متاثرہ علاقوں میں پانی جمع ہونے سے شہریوں کی مشکلات بڑھ گئیں۔
رپورٹس کے مطابق فلسطینی بے گھر خاندانوں کے لیے لگائے گئے ہزاروں خیمے بارش سے متاثر ہوئے، خیموں میں بارش کا پانی داخل ہونے سے نہ صرف رہنے کی جگہیں خراب ہوئیں بلکہ متاثرین کے محدود وسائل اور روزمرہ استعمال کی اشیاء بھی ضائع ہو گئیں۔
عرب میڈیا کا کہنا ہے کہ بارش کے باعث بہت سے خیموں میں رکھے کھانے پینے کا سامان بھی پانی میں بہہ گیا، جس سے بے گھر خاندان شدید پریشانی کا شکار ہو گئے۔
امدادی سرگرمیوں میں مصروف اداروں نے خبردار کیا ہے کہ اگر مؤثر اقدامات نہ کیے گئے تو موسمِ سرما میں مشکلات میں مزید اضافہ ہو سکتا ہے۔
محکمۂ موسمیات نے غزہ میں آئندہ دنوں میں مزید بارشوں کی پیشگوئی کی ہے، جس سے صورتحال کے مزید سنگین ہونے کا خدشہ ظاہر کیا جا رہا ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
عالمی یومِ یکجہتیِ فلسطین: وزیراعظم اور صدر مملکت کا یکجہتی پر مبنی خصوصی پیغام
29-نومبر،2025
